Takk for laget og god sommar!

Tida er komen for oppsummering og å sette sluttstrek for eit lærerikt og spennande år på Mat, kultur og konservering. I den siste veka har eg lese semesteroppgåvene. Tru meg, eg har sanneleg ikkje merka at det har både regna og at det har vore kaldt ute - sjølv i midten av juni! Eg har nytt det gode arbeidet mange av dykk har jobba med det siste halvåret. Treffande sitat og god faglig kvalitet har fått meg til å smile, le og til og med tårene har kome. Det har vore ei spennande reise å bli kjent med alle studentane som mennesker og ikkje minst med dykkar matkulturelle tilnærmingar frå mange ulike perspektiv.

Tema på semesteroppgåvene har vore: sauehald på Sandsøya, grauten si historie, brunost på Kalvatn, endring i ølpreferansar, tradisjonsmat på museum, matkultur og identitet på Bali, grøt på blogg og instagram, kams i Dalsfjorden, krigsmat på Hareid, kjøkkenredskap og utstyr i vikingtida, mølsgrat på nordmøre, bruk av kvann, sild og kval i Molde (byvåpenet), mat under krigen i Herøy, klepping av laks i Sogndal, middagsvanar i endring og kaffiens historie.

Mi siste utfordring vert omtrent slik: Kan de lage eit siste blogginnlegg, der de fortel kort om dei ulike blogginlegga de har laga før jul - tematisk  fire stykker. Deretter kan de presentere semesteroppgåva med ny tekst eller bruk innleiing frå oppgåva di. Tilslutt kan du legge ved legg ei PDF-fil av semesteroppgåva di eller du kan lage ei hyperlenke til ei publisert utgåve.

Når nye lesarar kjem til din blogg, får dei då fort oversikt over kva dei kan leite etter i bloggen din og ikkje minst, de kan lese kvarandre sine semesteroppgåver.Fagblogg er læring og deling og det er eit viktig poeng av familie, venner og andre matkulturelt intresserte også kan få innsyn i alt dette gode og spennande materiale de har produsert gjennom eit studieår.

Digitale spor. Tilslutt vil eg seie at bloggen er eit viktig digitalt spor. Eg vil fortelle at ein av studentane på matkultur har fått seg jobb etter at arbeidsgivaren googla henne og fann henne via bloggen frå studiet. Ein faglig blogg innbyr til tillit og kan leie deg ut på nye eventyr!

Takk for laget og riktig god sommar til alle sammen!

Beste helsing Kari Ryslett

Kvitveis plukka ved Høgskulen i Volda. Foto: Kari Ryslett

Tusen takk for super blogginnsats!



Bordet er dekka. Foto: Kari Ryslett

Julemiddagen vart tilberedt på undervisningskjøkkenet i dag og vi har kost oss med vårt eige heimelaga julemåltid med pinnekjøt, mørpølser, medisterpølser, rabbestappe, surkål, gode poteter, ripssaft, riskrem, raud saus og nysteikte krumkaker! Bordet var nydelig dekka og det lukta og smakte himmelsk sunnmørsk jul!


I dag var også dagen for tilbakemelding på bloggane og det fikk vi av Erik Fooladi via Adobe Connect frå Finland, (passord: studieblogg) sjå her og frå Marianne Hagelia som jobbar på medier og kommunikasjon, ho ga tilbakemelding på Mediaplayer, her. Vi satte stor pris på responsen og sender også ei stor takk til Torbjørn Frantsen som hjalp oss å opprette bloggane i august!

Den siste uformelle tilbakemeldinga var via viascreencast-o-matic frå faglærar Kari Ryslett, som er både stolt og kry av studentane sitt gode arbeid og strålande innsats! Sjå på denne lenka: Hipp hurra!


Det er 19 ulike bloggar om 4 ulike tema lenka til denne studiebloggen, det vil seie 76 blogginnlegg! Studentane har avgitt sine stemmer til dei ulike blogginnlegga og dei har kåra vinnarane av bloggkonkurransen i dei ulike kategoriane. Resultatet vart slik:

1. Beste blogginnlegg om sylting, safting og  hermetisering: Mathias
2. Beste blogginnlegg frå familiedagen på Haualeite: Anette
3. Beste blogginnlegg om tradisjonsbakst: Rakel
4. Beste blogginlegg om konservering av kjøt: Hildegunn D.

Julestemning og god mat på alle fat. Foto: Kari Ryslett

 

Gratulerer til vinnarane og til dokke alle sammen, det har vore eit fantastisk kjekt semester på studiet Mat, kultur og konservering. Lykke til med lesinga til eksamen og eg ønsker alle ei riktig god jul!

Jul på studiet Mat, kultur og konservering ved Høgskulen i Volda. Foto Kari Ryslett
 

 

Snart bloggfinale!

 

Det er no berre få dagar igjen til bloggane skal vere ferdige og produktkassene med sylta og safta frukt og bær, tørka og salta kjøt og takke- og tradisjonsbakst til julehøgtid skal innleverast. Vår eiga interne kåring av dei beste blogginnlegga skal skje på den siste samlinga før jul. Alle studentane skal stemme anonymt fredag 5. desember og utdeling av premiar, heder og ære skjer under julemiddagen laurdag 6. desember. Kategoriane er:

Smakfulle premiar. Foto: Kari Ryslett

 1. Beste blogginnlegg om sylting, safting og   hermetisering
2. Beste blogginnlegg frå familiedagen på Haualeite
3. Beste blogginnlegg om takke- og tradisjonsbakst til julehøgtid
4. Beste blogginlegg om konservering av kjøt

Til denne uhøgtidlege kåringa legg vi vekk dei formelle krava til fagblogg, og kriteria er:
gode bilder, lesbar tekst, bra faglig nivå og rett og slett di subjektive meining om korleis som er eit lesbart, pent, ryddig og kjekt blogginnlegg ser ut!

 

Til slutt må eg seie at det har vore både lærerikt og spennande å leie mi første studentgruppe ved Mat, kultur og konservering (MKK) gjennom denne bloggprossessen. Det er mange blogginnlegg som verkelig er glitrande gode og som formidlar matkultur, handboren kunnskap og tradisjonar som lett kan verte gløymt. Eg ser også rom for forbedring og endringar i prossessen med denne arbeidsforma som til dømes tilbakemeldings- og vurderingsprossessen,. Samtidig kjenner eg på ei stor glede og eg er verkelig stolt av studentgruppa sine faglige prestasjoar og arbeidsinnsats med blogging. Tusen takk for at de har lagt igjen mange digitale spor for MKK ved Høgskulen i Volda på internett og ikkje minst fordi de har DELT matkulturell kunnskap med andre!

 

Lykke til med blogginnspurten!

 

.

 

 

Kvarandrevurdering - 

medstudentvurdering eller peer assessment 

Mat, kultur og konserveringsstudentane har no kome halvveis i prosessen med å utvikle fagbloggane sine, nokre er ferdige med blogginnlegga medan andre treng meir tilbakemelding.
No er tida komen til å bruke kvarandrevurdering som metode. Kvarandrevurdering vert gjennomført gruppevis og etter gitte vurderingskriterium. Nokre av fordelane ved kvarandrevurdering eller peer assessment kan de høyre om her (film). Tilbakemelding til kvar enkelt student skal sendast på privat mail og fristen er fredag 24.oktober 2014.

Kvarandre- eller medstudentvurderinga vår har ikkje kontrollsystem for læraren og er basert på tillit. Eg vil gjerne ha ei tilbakemelding på korleis ein kan gjere dette systemet meir forpliktande. Ein annan refleksjon eg har gjort meg i arbeidet med fagblogging, er at bloggane burde vore ferdigstilte etterkvart. Kva meiner de studentane om dette?

Å få ei konstruktiv tilbakemelding på blogginnlegget sitt er nyttig og nokre studentar uttrykker det slik: "Det er alltid godt å få tilbakemelding fra andre som er i samme båt", eller: "Jeg blir bedre motivert til å skrive oppgaver når jeg får feedback fra andre studenter samtidig som jeg synes det er morsomt at andre studenter kan finne ideer og tanker fra mine tekster." (Høihilder,et.al. 2012). 

Bildet er henta frå: http://www.ivitalearning.co.uk/

To av mine "digitale kollega" ved Høgskulen i Volda deltok på forskningsdagane 2014 med kvar sin Pecha Kucha om digital læring. Høyr på Marianne Hagelia og Synnøve Moltudal sine presentasjonar om digital kompetanse.

Lykke til med skrivinga - det er så kjekt å sjå progresjonen i alt arbeidet de legg ned med fagbloggane! I tillegg til å skrive seg til god læring er dette flott markedsføring av studiet  vårt Mat, kultur og konservering og ikkje minst for Høgskulen i Volda.





Bildet er henta frå: http://vulgaire.com

 

Litteraturliste

Hagelia, M. (2014, 23. oktober). Hverandrevurdering. [Blogginnlegg]. Henta frå
http://dataskole.wordpress.com//?s=hverandre+vurdering&search=G%C3%A5

Høihilder, E. K., Karlsen, A. V.  & Moser. T.(2012). Digitale mapper som redskap i vurderingsprosessen – En undersøkelse blant lærerstudenter i pedagogikk. Norsk pedagogisk tidsskift 01/2012.

Engh, K. R. & Høihilder, E.K. (2008). Elevvurdering og tilpasset opplæring, i Bjørnsrud og Nilsen (red.): Tilpasset opplæring. Intensjoner og skoleutvikling. Oslo: Gyldendal Akademisk.

Engh, K. R. (2008). Hva menes med elevvurdering? i Høihilder (red.). Elevvurdering. En metodebok for lærere. Oslo: Pedlex.

Film eller digital fortelling på neste blogg?





Bildet er henta frå: http://www.wildandscenicfilmfestival

Hei, no vil eg utfordre så mange studentar som mulig ved MKK til å lage ein liten film eller ei digital fortelling frå sin stasjon på familiedagen den 21.september på Volda bygdetun, Haualeitet. Du kan bruke mobitelefonen din til både filming og til å ta bilder med.

Eg vil vise deg nokre lenker som kan vere nyttige om om korleis du kan lage ei digitalt fortelling med Photo Story og Movie Maker. Her ser du nokre eit eksempel på  ferdige digital fortellingar,  dette er veldig effektivt og kjekt å sjå på!  Her er oppskrifta på Photo Story 3.

Til filming med mobilkamera eller GoPro kamera kan ein filme ein arbeidsprosess. Ein kan bruke mange ulike gratis redigeringsverktøy som du kan finne på nett, for eksempel GoPro redigeringsverktøy. Eg vil også vise deg ein andre arbeidsprosessar som har vore filma, slik som fiskekakeproduksjon:

 

Steiking av fiskekaker. Film: Hans Førde.


Å bruke film eller digital fortelling er ein rask og morsom måte å formidle kunnskap på. For at filmen ikkje skal bli "langtekkelig" må den redigerast og varigheita på både film og digital fortelling bør vere på max 3-4 minutt. Tenk på kor raskt og fint du får presentert aktiviteten og formidlinga frå din stasjon på bloggen din!

Studentar som ikkje vel å lage film eller digitale fortelling kan framleis legge inn vanlige bilder og tekst frå familiedagen.

Det er svært viktig at de bruker Nettjuss når det gjeld å ta bilde av barn på Haualeite. Barn under 15 år må ha samtykke frå foreldre ved publisering av bilder.

Formålet med studiebloggane våre er å utvikling av digital kompetanse. Eg er nok ein digital immigrant og de er nok digitalt innfødde, les artikkel: Digital Natives vs Digital Immigrants.

Tilslutt, ei lita digital fortelling om hermetisering av plommer!

Lykke til alle sammen!

Hermetisering av plommer. Film: Iren Hammersvik.

Årets matkulturbloggar på MKK vert kåra 6. desember 2014

Vi blir kanskje ikkje Norges beste bloggarar på eit halvt år eller kan å lage flotte bloggar slik som Trine, Tove, Lars eller Janne Kristin. Eller kan vi det? For å motivere, inspirere og ikkje minst at studentane følger med på kvarandre sine bloggar vil eg lage ei intern kåring av dei beste blogginnlegga frå studiebloggane til Mat, kultur og konservering (MKK).  På den siste samlinga før jul, når vi har ete vår eigenproduserte julemiddag, vert det prisutdeling med SMAKfulle premiar til vinnarane i dei ulike kategoriane!


Bildet er henta frå: http://www.riiseweb.no/

Kategoriane er:
1. Beste blogginnlegg om sylting, safting og hermetisering
2. Beste blogginnlegg frå familiedagen på Haualeite
3. Beste blogginnlegg om tradisjonsbakst
4. Beste blogginlegg om konservering av kjøt

Kriteria er: gode bilder, lesbar tekst, bra faglig nivå og rett og slett di subjektive meining om korleis som er eit lesbart, pent, ryddig og kjekt blogginnlegg ser ut!

Kven kan stemme? Alle studentane skal stemme anonymt
fredag 5.desember 2014. Eg håper også at vi får stemmer og kommentar frå dei som har vore med å lære oss om blogging ved Høgskulen i Volda; Marianne Hagelia og Torbjørn Frantzen og ikkje minst kollega på matkultur Erik Fooladi som jobbar i Finland dette studieåret.

Kari Ryslett er prisutdelar - lykke til med blogginga!

Bloggstart på Mat, kultur og konservering MKK 101

Hei alle sammen!



Foto: Kari Ryslett. Høgskulen i Volda.

Det har vore ei spennande veke no når bloggane har strøyma på! Dette med blogg er heilt nytt for meg og eg ser at de alle no har oppretta blogg og fått lasta inn bilder, nokre har begynt på tekst og andre har jobba med utforming av bloggen sin.

Dette blir super både faglig og digital læring, og ikkje minst god marknadsføring for studiet vårt Mat, kultur og konservering!

Dersom de vil blogge frå dei andre samlingane kan du også gjere det her, men det er altså kun fire blogginnlegg som vil bli vurdert som grunnlag for å gå opp til eksamen.

Når det gjeld innlevering, skal de altså laste opp lenke av blogginnlegget på fronter innan oppgitt frist. På fronter vil de få godkjent, på vei eller ikkje godkjent. Den endelige vurderinga vert gitt etter 28. november 2014. Sluttvurderinga på fronter er personleg og den kan kun studenten lese.

Ute på bloggane skal vi etterkvart ha kvarandrevurdering eller "peer assessment". Då vert de delt inn i grupper og skal kommentere kvarandre sine bloggar etter gitte kriterium. Eg trur vi satsar på at alle skal kommentere fem bloggar, det kan vere nok å halde styr på!

Ein blogg er ei hypertekst og det er fint å "utvide teksten" med lenker til andre bloggar, filmar, wikipedia, nettsider, artiklar, etc. Merk ordet du vil lenke eller LINK som det heiter her på Blogger og lim inn nettadresse (Url), då får lesaren utvida og god forklaring av omgrep du bruker i teksten. No vil eg lære deg litt nettjuss, sjå denne filmen (kun eit par minutt): Nettjuss 1, så kan sjå neste film Nettjuss 2 og tilslutt Nettjuss 3. Opplæringa om nettjuss du fikk no heiter omvent undervisning eller flipped classroom. Smart, ikkje sant?

Husk at bloggen er DIN, du bestemmer utforming, bilder, tekst og har kontroll på ditt kommentarfelt - dersom du ikkje liker ein kommentar så slett den!

Kanskje kan du bli den neste som blir Årets matblogger!!!

Lykke til med alle produkta de skal lage, familiedagen på Haualeite og med bloggane!

Sharing is the new way of learning!!!




Bilde og design: Marianne Hagelia, Høgskulen i Volda.